أؤكد ليك ان الفيس مش هيطير
لو قمت دلوقتى تجيب نداء الله لك (هل من داعى فأجيب له . هل من مستغفر فأغفر له . هل من تائب فأتوب عليه)
يااأخى يااأختى مش محتاجين حاجه من ربناا . معندكش هم ؟ مش خايف من حاجه ؟ ؟ !! الى بيقول اه طبعاا محتاج حجات كتير طيب قاعد ليه على النت دلوقتى ف وقت الدعاء فيه مستجاب . جرب تقوم وتتوضا كويس وتفرش سجاده ال...صلاه وتبدأ تصلى ركعتين بقلبك واول ماتنزل تسجد تقوله انقذنى يارب من الى انا فيه .ز اصلح لى قلبى يارب .. وفقنى يارب . اغفرلى كل ذنوبى الى هتضيعلى دينى ودنيتى يارب ..يارب مليش غيرك ..
قوم قول الى ف نفسك ..
ربنا موحشكش ؟؟
مش واحشك الكلام معاه ؟؟
مش واحشك انك تبكى بين يديه ؟؟
طيب مااتجرب كدا تبتدى انهارده من دلوقتى حالا ...
ف الاول تحلف على نفسك ان الفيس والنت مش هيتفتحو الا بعد الفجر لو هتفضل سهران . مااشى ؟؟ نبتدى ..
الاول هتقون تصلى ركعتين بخشوع قوووى وتدعى فيهم وتحاول تبكى وتفضفض عن كل حاجه جواك . والى يحس انه قلبه مش حاضر هقولك على كلمه فيها سر رهيييب ومتجرب .. نادى على الله باسم الفتاح .. قول يــــــــــــافتاح أفتح عليا فى الدعاء .
ادعى بحرقه وبقلبك وحاول تبقى فى اوضه مقفوله عليك عشان تتكلم بصوت وتبقى براحتك..
كدا خلصنا الركعتين هيبقى فيه حوالى تلت ساعه .. ممكن تجيب كتاب ربنا الى متفتحش بقاله فتره او مقرأتش بتدبر بقالك كتيررررررررر وتقرأمنه سوره مثلااا يوسف أو مريم أو الزمر الى تحبه . وبعدها هيبقى باقى 10 دقايق ممكن بقى دول 5 دقايق استغفار . و5 دقايق صلاه على الرسول ..
كدا الفجر أذن .. او مااالاذان يخلص هندعى لان بين ااذان والاقامه الدعاء لا يرد ..
وطبعا الرجااااااااااله على المسجد أوعى تكسل
ربنا بيحبك وعاوز يدخلك بيته .. وربنا كريم يعنى يستحيل تخرج من بيته وانت فاضى .. شوف بقى كام كرب هيفرجه عنك .؟؟ وكام حاجه ليك ونفسك فيها هيعملهالك
وطبعا البنات على سجاده الصلاه ..
اول مانخلص ركعتين السنه وبعدها خلصنا الفجر .. اختم الصلاه انك تقول ايه الكرسى ب 2000 حسنه يااابلاش !!
وطبعا تسبح ربنا وتقوم وانت بتتمشى للبيت وعلى السلم تقول الاذكار
والله لو عملت دا بقلب لهتحس برااااحه نفسيه رهييييييييبه ياسلام بقى لو قمت تكملها انك تسمع درس يقوى عزيمتك لرمضان ولذكر ربنا وكداااا يبقى ماشاء الله .. ولو هترجع بعد الفجر وهتفتح تانى هنكون نزلنا سلسله حلوه للتائبين .
تماام .. يلاا قومو بسرعه
اه بالله عليكم لاتنسونى من دعائكم ربنا يرضى عنى ويصلح لى قلبى
الإثنين أكتوبر 10, 2011 1:02 am